Usı jılı 9-16-avgust kúnleri Tashkent qalasında bolıp ótetuǵın 38-Xalıqaralıq informatika olimpiadası sheńberinde Xalıqaralıq komitet aǵzaları Ózbekstannıń tayarlıq processlerin bahalaw maqsetinde Tashkent qalasında bolıp tur.
Komitet aǵzaları jarıs ótkeriletuǵın Central Asian Expo Uzbekistan xalıqaralıq kórgizbe orayı, olimpiada qatnasıwshıları jaylastırılatuǵın Jańa Ózbekstan aymaǵındaǵı 12 miymanxana hám Kongress-xolldan ibarat obektlerdi kózden ótkerdi hám texnikalıq infrastrukturaǵa baylanıslı máselelerdi dodaladı.
Sonday-aq, Sanlı texnologiyalar ministrliginde bolıp, IOI–2026 ǵa Ózbekstannıń tayarlıq jaǵdayı boyınsha usınılǵan esabat penen tanıstı, delinedi Sanlı texnologiyalar ministrliginiń maǵlıwmatında.
Ushırasıw dawamında tarawdaǵı erisilgen nátiyjeler hám sırt el IT kompaniyaları ushın mámleketimizde jaratılǵan imkaniyatlar haqqında maǵlıwmat berildi.

A.RUSTAMOV, ÓzA