Qaraqalpaqstan Respublikasında Oraylıq bank baslıǵı Timur Ishmetovtıń qatnasıwında isbilermenler menen ashıqtan-ashıq sóylesiw bolıp ótti. Ushırasıw dawamında aymaq isbilermenlerin qıynap kiyatırǵan bank-finans tarawına baylanıslı áhmiyetli máseleler, finanslıq xızmetlerden paydalanıwda ushırasıp atırǵan ayırım kemshilikler hám olardı saplastırıw boyınsha usınıslar hám sheshimler dodalandı.
Ashıqtan-ashıq sóylesiw formatında shólkemlestirilgen ushırasıw isbilermenler ushın tikkeley pikir alısıw maydanına aylandı. Onda ámeldegi bank xızmetleri, kreditlew processleri, esap-sanaq hám tólem sistemaları, sonday-aq, finanslıq instrumentlerden paydalanıw boyınsha anıq sorawlar kóterildi.
Sonday-aq, isbilermenler tárepinen bildirilgen usınıs hám máseleler tiyisli tártipte úyrenilip, olardı unamlı sheshiw boyınsha óz aldına “jol kartası” islep shıǵılatuǵını málim etildi.

Qaraqalpaqstan xabar agentligi