Bul toparlar mektepke shekemgi bilimlendiriw shólkemleri, mektepler hám basqa da sociallıq obektlerde shólkemlestiriliwi múmkin.
2027/2028-oqıw jılınan baslap, mektepke tayarlıqtan ótken balalarǵa mámleketlik úlgidegi elektron sertifikat beriledi. Bul sertifikat haqqındaǵı maǵlıwmatlar oqıwshınıń ulıwma orta bilimlendiriw haqqındaǵı attestatında da jazıladı.
Sonday-aq, “Jańa áwlad” mektepke shekemgi bilimlendiriw shólkemleriniń tarmaǵı jumısı jolǵa qoyıladı. 2026-2028-jıllarda Qaraqalpaqstan, wálayat orayları hám Tashkent qalasında birewden usınday shólkem qurıladı.
Bul baqshalardıń quramında Balalardı rawajlandırıw innovaciyalıq orayları shólkemlestirilip, olarda robototexnika, dóretiwshilik, pán hám matematika baǵdarlarında tematikalıq oyın maydanshaları boladı.
“Jańa áwlad” mektepke shekemgi bilimlendiriw shólkemlerinde jumıs alıp baratuǵın basshı hám pedagog xızmetkerler, dene tárbiya instruktorları, muzıka basshıları, psixolog hám tárbiyashı járdemshileriniń tarif stavkasına salıstırǵanda 20 procent muǵdarında Mámleketlik byudjetten ústeme beriledi.

Qaraqalpaqstan xabar agentligi