Nızam ústinligin támiyinlew, xalıq xızmetindegi mámleketlik basqarıwdı shólkemlestiriw – búgingi kúnniń áhmiyetli maqsetine aylandı.
Máhálleni rawajlandırıw hám jámiyetti ilgerletiw jılına baylanıslı mámleketlik baǵdarlama hám “Ózbekstan-2030” strategiyası joybarlarında bul máselege ayrıqsha itibar qaratılǵan.
“Rawajlanıw strategiyası” orayında usı temada dógerek sáwbeti shólkemlestirildi.
Ilajda máhállede sanaat hám xızmet kórsetiwge baylanıslı joybar ámelge asırılatuǵını, onda 10 mıńnan aslam óndiris hám xızmet kórsetiw joybarları iske qosılatuǵını atap ótildi. Máhállelerde qosımsha 100 mıń jańa jumıs ornı jaratıladı.
Kámbaǵallıqtan jıraq máhállelerdiń sanın 3,5 mıńǵa jetkeriw, xalıq tárepinen ápiwayılastırılǵan tártipte múrájat etiw imkaniyatın beretuǵın “OASIS” platformasın iske qosıw, “Jámiyettegi belsendilikti xoshametlew” joybarın ámelge asırıw áhmiyetli ekenligi haqqında pikirler bildirildi.
Mámleketlik xızmetler avtomatlastırılıp, birden-bir interaktiv mámleketlik xızmetler portalındaǵı xızmetler hám servislerdiń sanı derlik 900 ge jetkeriledi. Mámleketlik xızmettiń basshılıq lawazımlarına hayal-qızlardı maqsetli tayarlaw sisteması jaratıladı.
“Sanlı máhálle” elektron platformasında “Máhálle jetiligi” arqalı máhállelerde xalıqtı qıynap kiyatırǵan eń áhmiyetli sistemalı mashqalalardıń birden-bir elektron reestri islep shıǵıladı.
Deputatlar, Ádillik ministrligi, Sanlı texnologiyalar ministrligi, Máhálleler awqamı, Basqarıw nátiyjeliligi agentliginiń juwapkerleri, siyasiy partiyalar belsendileri, ekspertler hám ǵalaba xabar qurallarınıń wákilleri qatnasqan ilaj juwmaǵında jurnalistlerdi qızıqtırǵan sorawlarǵa juwap berildi.

N.Abduraimova, ÓzA