Prezident Shavkat Mirziyoevtiń basshılıǵında kámbaǵallıqtı qısqartıw hám xalıqtıń bántligin támiyinlew boyınsha 2026-jıldaǵı tiykarǵı wazıypalar boyınsha videoselektor májilisi bolıp ótpekte.
“Awır” rayon hám máhállelerde xalıqtı jumıs penen támiyinlew hám dáramatın kóbeytiw máseleleri hár tárepleme kórip shıǵıldı.
Bárinen burın, bunday aymaqlardı turaqlı elektr menen támiyinlew máselesin sheshiw zárúr ekenligi atap ótildi.
Bunıń ushın 903 máhálleniń hár birinde 300 kilovattlı kishi quyash stanciyaları qurılıp, máhállege biyǵárez aktiv sıpatında beriledi.
Stanciyalardan alınǵan “jasıl” energiya esabınan hár bir máhállede 400-500 million sum qosımsha dáramat keltiretuǵın ekonomikalıq aktiv payda boladı.
Bul “jasıl” dáramat “jasıl” ilajlardı ámelge asırıwǵa jumsaladı. Yaǵnıy bul qarjılar mútáj shańaraqtı “jasıl” ońlawdan shıǵarıp, energiya qárejetin azaytıw hám turmıs sapasın jaqsılawǵa baǵdarlanadı.
Quyash stanciyaların ekspluataciyalawǵa usı máhállelerde jasaytuǵın kámbaǵal shańaraq aǵzaları jumısqa alınadı. 1-topar mayıplıǵı bolıp, shańaraǵında miynetke jaramlı aǵzası bolmaǵan 6 mıń 700 shańaraq energiya únemlewshi etip ońlanadı.
Bul jumıslar qánigelesiw dárejesi joqarı bolǵan jáne 1 mıń aldıńǵı máhállede de ámelge asırıladı. Kishi quyash stanciyaları tayar halda 7 jıl múddetke máhállelerge procentsiz lizingke beriledi.

ÓzA