Joqarı bilimlendiriw, ilim hám innovaciyalar ministriniń buyrıǵına muwapıq, 2025-2026-oqıw jılı ushın Ózbekstan Respublikası Prezidenti hám atlı mámleketlik stipendiyalarınıń respublikalıq basqısh tańlawları usı jıldıń 22-29-yanvar kúnleri bolıp ótedi.
Prezident mámleketlik stipendiyası ushın bakalavriat tálim baǵdarları hám magistratura qánigelikleri boyınsha talabanlar “Ózbekstan tariyxı”, “Málimleme texnologiyaları” hám “Shet tiller” pánlerinen test sınaqlarında qatnasadı.
Test sınaqları usı jıl 27-yanvar kúni Bilim hám mamanlıqlardı bahalaw agentligi imaratında bolıp ótedi.
Maǵlıwmat ornında atap ótiw kerek, 2025-2026-oqıw jılı ushın Prezident hám atlı mámleketlik stipendiyalar tańlawın ótkeriw rejesine bola, atlı mámleketlik stipendiyalarǵa hújjet tapsırǵan talabanlardıń ilimiy jumısları hám erisken jetiskenlikleri ekspertler tárepinen bahalanadı.

Muhayyo Toshqoraeva, ÓzA