Baslawısh bilimlendiriw muǵallimleri ushın 2026-2027-oqıw jılınan baslap milliy sertifikat beriw sisteması ámeliyatqa engiziliwi múmkin.
Bul baǵdarda islep shıǵılǵan hújjet joybarına bola, qánigelik imtixanı nátiyjelerine qarap, bul kategoriyadaǵı muǵallimlerge úsh jıl múddetke ámel etetuǵın A+, A, V+, V, S+, S, dárejeli elektron sertifikat beriledi.
Muǵallimler ushın milliy sertifikat beriwde mamanlıq imtixanı baslawısh klasslarda ana tili oqıtıw metodikası, matematika oqıtıw metodikası pánleri hám muǵallimniń pedagogikalıq sheberligin bahalaw boyınsha ótkeriledi.
Rejege bola, 2026-2027-oqıw jılınan baslap V+ hám onnan joqarı dárejedegi milliy sertifikatqa iye bolǵan baslawısh klasslarda sabaq beretuǵın baslawısh bilimlendiriw qánigeligine iye muǵallimlerge mámleketlik byudjet qarjıları esabınan, sertifikattıń ámel etiw múddeti dawamında, tiyisli bilimlendiriw tiline muwapıq barlıq pánler boyınsha lawazım miynet haqısına hár ayda 15 procent muǵdarında qosımsha ústeme tólep barıladı.
Bunnan tısqarı, 2026-2027-oqıw jılınan baslap V+ hám onnan joqarı dárejedegi milliy sertifikatqa iye baslawısh klasslarda sabaq beretuǵın baslawısh bilimlendiriw qánigeligine iye muǵallimler pedagog kadrlardı kásiplik sertifikatlawdan tikkeley ótken dep esaplanadı.

Qaraqalpaqstan xabar agentligi