Ózińnen keship Watan, xalıq tınıshlıǵın qorǵaw – haqıyqıy mártlik, pidayılıq, shıdamlılıq. Ózbekstan Milliy kino kórkem óneri sarayında premerası bolıp ótken “Jasorat” atlı kórkem film el-jurt tınıshlıǵı jolında ómirin baǵıshlaǵan áskerler haqqında gúrriń etiwi menen áhmiyetli.
Ilajda Ózbekstan Respublikası Mádeniyat ministrligi janındaǵı Kinematografiya agentliginiń direktorı Shuhrat Rizaev, Ózbekstan Respublikası Milliy gvardiyası sárkardasınıń tárbiya jumısları, kadrlar hám jaslar máseleleri boyınsha orınbasarı Sarvar Mamayusupov, kino dóretiwshileri, taraw juwapkerleri, kino ıqlasbentleri hám media taraw wákilleri qatnastı.
Kinematografiya agentliginiń direktorı Shuhrat Rizaev shıǵıp sóylep, filmniń mazmun-mánisi, onda sáwlelengen mártlik, juwapkershilik hám pidayılıq ideyaları haqqında pikir bildirdi. Sonday-aq, Milliy gvardiya menen birgelikte ámelge asırılǵan bul joybardı tán alıp, keleshekte de birgelikte mazmunlı hám tásirsheń kórkem filmler jaratıw tileginiń bar ekenligin qanaatlanıwshılıq penen atap ótti.
“Mártlik” filmi “Hár bir serial – bir missiya” tańlawınıń jeńimpazı bolǵan joybar tiykarında súwretke alınǵan.
Bul kartina ruwxıy kúsh, joqarı juwapkershilik hám pidayılıqtı jırlaytuǵın, tamashagóydi biypárwa qaldırmaytuǵın kórkem shıǵarma ekeni menen dıqqatqa ılayıq.

N.Usmonova, ÓzA