Elektr energetikası sistemasında texnologiyalıq buzılıwlardı tekseriw tártibi belgilendi.

Húkimet qararı (850-san, 31.12.2025 j.) menen “Elektr energetikası sistemasında texnologiyalıq buzılıwlardı tekseriw hám esapqa alıw tártibi haqqında”ǵı reje tastıyıqlandı.
Rejege bola, elektr energetika sisteması jumısınıń tómendegi texnologiyalıq buzılıwları májbúriy túrde tekseriliwi hám esapqa alınıwı shárt:
– elektr qurılmalarınıń ekspluataciya dáwirinde, sonday-aq, rejeli ońlaw, profilaktikalıq kórikten ótkeriw hám sınawlar procesinde anıqlanǵan zıyanlanıw jaǵdayları;
– elektr qurılmaları hám olardıń elementlerin isten shıǵarǵan, texnikalıq (texnologiyalıq) jaǵday parametrleriniń ruqsat etilmegen dárejede shetke shıǵıwı;
– tutınıwshılarǵa elektr energiyasın azlap yamasa tolıq rejelestirilmegen halda jetkerip beriwdiń toqtatılıwı.
Texnologiyalıq buzılıw jaǵdayları ózgesheligi hám aqibetiniń awırlıǵına qarap, avariyalar, I hám II dárejedegi isten shıǵıwlarǵa bólinedi.
Texnologiyalıq buzılıwlardı tekseriw olar anıqlanǵan waqıttan baslanıp, 10 kún ishinde juwmaqlanıwı kerek.
Elektr energiyasın islep shıǵarıwshı, saqlawshı, uzatıwshı hám bólistiriwshi kárxanada hám oǵan tiyisli elektr tarmaqlarında júz bergen barlıq texnologiyalıq buzılıwlar usı elektr energetikası obekti tárepinen esapqa alınadı,- dep málimleme beredi xabar.uz saytı.

Qaraqalpaqstan xabar agentligi