Kelesi jılı ekonomikada 6,6 procent ósiwdi támiyinlep, jalpı ishki ónimdi 167 milliard dollarǵa jetkeriw prognoz etilmekte.

Eger miynet ónimdarlıǵı, energiya nátiyjeliligi hám ózine túser bahası boyınsha kóbirek islense, bul kórsetkishti jáne de arttırıw ushın barlıq imkaniyatlar bar. Sonlıqtan, sanaatta “Ónimdarlıq hám nátiyjelilikti eki esege arttırıw” baǵdarlaması baslanadı.
Ekonomika hám qarjı ministrligi tárepinen miynet ónimdarlıǵı hám energiya nátiyjeliligi boyınsha óz aldına joybar ámelge asırıladı.
Bul haqqında mámleketimiz basshısınıń Múrájatında atap ótildi.
Bul joybarǵa xalıqaralıq finans institutlarınan 200 million dollar kredit hám grant tartılıp, sanaat kárxanaları ushın sırt elden joqarı mamanlıqtaǵı texnolog hám injenerler alıp kelinedi, biznes processleri sanlastırıladı, energiya hám basqa da qárejetlerdi qısqartıw boyınsha auditler ótkeriledi, aldınǵı texnologiyalar transfer etiledi.
Bul baǵdarda “Tórtinshi sanaat revolyuciyası orayı” shólkemlestiriledi. Oray tiykarında robototexnika, “buyımlar interneti”, “aqıllı fabrika” sıyaqlı “Industriya 4.0” sheshimlerin sanaat kárxanalarında engiziw ushın “tártipke salıw mexanizmi” jaratıladı.
Onda kárxanalar jańa texnologiyalardı óndiriske engiziwden aldın olardı sınaqtan ótkeriw imkaniyatına iye boladı.

ÓzA