Mámleketimiz basshısınıń Oliy Majlis hám xalqımızǵa Múrájatı dawam etpekte.

– Tariyx dawamında qanday awır sınaqlarǵa dus kelsek te, biz bárinen burın awızbirshilikten kúsh aldıq. Mashaqatlı kúnlerde adamlarımız, máhálle xalqı iyinles bolıp qıyınshılıqlardı jeńgen. Shańaraq – shańaraqqa, qońsı – qońsıǵa járdem berip jasaǵan. Biz mine usınday oǵada biybaha qádiriyatımızǵa bárqulla sadıq qalıwımız, jas áwladımızdı mine usı ruwxta tárbiyalawımız kerek.
Búgingi kúni jámiyetimizde hár qıylı pikir hám kózqaraslar bolıwı tábiyǵıy. Bul – demokratiyanıń birinshi talabı.
Biraq, milleti, tili hám dinine qaramastan, 38 millionlıq mámleketimizdi birlestiretuǵın ullı bir ideya bar. Ol da bolsa, Watan mápi, xalqımızdıń mápi.
Mine, usınday ullı maqsetke erisiwde máhálle sistemasınıń ornı hám tásiri ayrıqsha. Sebebi, máhálle tınısh hám tatıw bolsa, jámiyetimiz tınısh hám awızbirshilikli boladı. Máhálle rawajlansa, pútkil elimiz rawajlanadı, – dedi Prezidentimiz.
Usılardıń barlıǵın esapqa alıp, Prezidentimiz 2026-jıldı elimizde “Máhállelerdi rawajlandırıw hám jámiyetti ilgerletiw jılı,” dep járiyalawdı usınıs etti.

ÓzA