Prezidentimiz Múrájatında atap ótkenindey, biz búgin 38 millionnan aslam úlken xalıqpız. Mashaqatlı hám maqtanıshlı miynetimiz benen dúnyada húrmetke erisip atırǵan, erteńgi kúnge isenim menen isenimli baratırǵan, márt hám maqtanıshlı milletimiz!

– Biz ózgerislerdi kútip jasamaymız, kerisinshe, olardı ózimiz, óz aqıl-parasatımız hám juwapkershilikli miynetimiz benen jaratamız.
Jaslarımızǵa qarap, olar erisip atırǵan jetiskenliklerdi kórip, kewlimiz tawday kóteriledi, qanday úlken dóretiwshi kúsh qatarımızǵa qosılıp atırǵanınan maqtanıp ketemiz,-dedi Prezidentimiz.
Álbette, búgingi qıyın zamanda jaslarımızdı hár qıylı sınaqlarǵa shıdamlı, Watansúygish insanlar etip tárbiyalaw, xalqımızdı jáne de birlestiriw hám jámlestiriwde, álbette, ózin-ózi basqarıwdıń biybaha sisteması bolǵan máhálleniń ornı hám áhmiyetiniń úlken ekeni atap ótildi.
Máhálle hám jaqsı qońsıshılıq óz-ara únles qádiriyatlar bolıp esaplanadı. Olar jámiyette sociallıq kapitaldı jáne de bayıtıwǵa sheksiz úles qosadı.
Elimizde ótkerilgen sociallıq sorawlarda qatnasqanlardıń 90 procenti ózin máhálle jámiyetshiliginiń bir bólegi dep esaplawı da sonnan derek beredi. Máhállege usı tiykarda Watan táǵdirine baylanıslılıq sezimi joqarılıǵı bul institut, bárinen burın, sociallıq tilekleslik deregi ekenin kórsetedi.

ÓzA