Ulıwma orta bilim beriw hám qánigelestirilgen mektep oqıwshıları arasında «Biz talant iyeleri» kibersport jarısınıń Qaraqalpaqstan Respublikalıq basqıshı ótkerildi.

Oǵan jarıstıń Nókis qalası hám rayonlıq basqıshlarında jeńimpaz bolǵan qábiletli oqıwshılardan ibarat komandalar qatnastı.
Qızıqlı ótken jarıs juwmaǵında, birinshi orındı Nókis qalasındaǵı 37-sanlı ulıwma orta bilim beriw mektebi oqıwshıları iyelewge miyasar boldı.
Sıylı ekinshi orındı Tórtkúl rayonındaǵı 1-sanlı ulıwma orta bilim beriw mektebi oqıwshıları iyelegen bolsa, Beruniy rayonındaǵı 65-sanlı ulıwma orta bilim beriw mektebi komandasına úshinshi orınǵa ılayıq dep tabıldı.
Jarıs juwmaǵında jeńimpaz hám sıylı orın iyeleri Qaraqalpaqstan Respublikası Mektepke shekemgi hám mektep bilimlendiriw ministrliginiń diplom hám estelik sawǵaları menen sıylıqlandı.

Adilbay Orazov,
Qaraqalpaqstan xabar agentligi sholıwshısı