Oraylıq Aziya mámleketleri hám Koreya Respublikası parlamentleri basshılarınıń úshinshi májilisi sheńberinde Oliy Majlis Senatınıń Baslıǵı Tanzila Norboeva Tájikstan Respublikası Majlisi Oli Majlisi Namoyandagon Baslıǵınıń orınbasarı Aziz Qodir Giyozoda menen ushırastı.

Ushırasıwda Tájikstan Ózbekstannıń jaqın qońsısı hám strategiyalıq sherigi ekeni atap ótildi.
Eki mámleket basshıları arasındaǵı óz-ara isenimge tiykarlanǵan qatnasıqlar mámleketlerdiń strategiyalıq sherikligin izbe-iz rawajlandırıw ushın bekkem tiykar bolıp xızmet etip atırǵanı atap ótildi.
Oraylıq Aziya mámleketleri hám Koreya Respublikası parlamentleri basshılarınıń úshinshi májilisiniń áhmiyeti hám onıń nátiyjeleri boyınsha pikir alısıldı.
Ózbekstan Respublikası Oliy Majlisi Senatı hám Tájikstan Respublikası Majlisi milli Majlisi Oli arasında birge islesiw haqqındaǵı kelisimniń áhmiyeti ayrıqsha atap ótildi.
Parlamentlerdiń joqarı palataları arasındaǵı birge islesiw boyınsha komissiyanıń nátiyjeli jumısı atap ótildi.
Senat Baslıǵı Tájikstan tárepin 13-14-oktyabr kúnleri Dushanbe qalasında ǴMDA Parlamentleraralıq Assambleyasınıń jalpı májilisi tabıslı ótkerilgeni menen qutlıqladı.
Sapar sheńberinde Ózbekstan parlament delegaciyasın Tájikstan Respublikası Prezidenti qabıl etkeni eki mámleket arasındaǵı isenim hám konstruktivlik birge islesiwdiń joqarı dárejesinen derek ekeni qanaatlanıwshılıq penen atap ótildi.
Hayal-qızlardıń jámiyetlik-siyasiy turmıstaǵı qatnasın keńeytiw máselelerine ayrıqsha itibar qaratıldı.
Ushırasıw juwmaǵında eki mámleket arasındaǵı parlamentleraralıq birge islesiwdi bunnan bılay da bekkemlew, aymaqlararalıq sóylesiwdi kúsheytiw, doslıq toparlarınıń jumısın keńeytiw, nızamshılıq tájiriybesi almasıwı hám sawda-ekonomikalıq, mádeniy-gumanitarlıq hám ekologiya tarawlarındaǵı óz-ara baylanıslardı jedellestiriw boyınsha kelisimge erisildi.

Norgul ABDURAIMOVA,
ÓzA xabarshısı