“Xalıqtı sociallıq qorǵaw sistemasınıń bunnan bılay da jetilistiriliwi múnásibeti menen Ózbekstan Respublikasınıń ayırım nızam hújjetlerine qosımshalar hám ózgerisler kirgiziw haqqında”ǵı nızam kúshke kirdi.

Bul nızam menen ayırım nızam hújjetlerine qosımshalar hám ózgerisler kirgizildi.
Hákimshilik juwapkershilik haqqındaǵı kodekske kirgizilgen qosımshalarǵa bola, qala qurılısı hújjetlerinde mayıplıǵı bolǵan shaxslarǵa sharayatlar jaratıw boyınsha joybardıń óz aldına bólimi bolmaǵan jaǵdayda ekspert shólkemler tárepinen unamlı sheshim beriw BEMniń 50 esesinen 70 esesine shekemgi járiyma salıwǵa sebep boladı.
Sociallıq qorǵaw milliy agentligi, onıń aymaqlıq basqarmaları, “Insan” orayları, Agentlik janındaǵı Sociallıq inspekciya hám onıń aymaqlıq basqarmaları xızmetkerleriniń nızamlı jumısına tosqınlıq etiw, olardıń nızamshılıqta belgilengen talapların orınlamaw puqaralarǵa BEMniń 3 esesinen 5 esesine shekem, lawazımlı shaxslarǵa bolsa 5 esesinen 10 esesine shekem járiyma salıwǵa sebep boladı.
Sociallıq qorǵawǵa mútáj shaxslar ushın nızamshılıqta belgilengen jeńillik hám sociallıq kepilliklerdi támiyinlemegen lawazımlı shaxslar hám xızmetkerlerge BEMniń 3 esesinen 5 esesine shekemgi muǵdarda járiyma salınadı.
Sociallıq qorǵawdıń birden-bir reestri yamasa Kámbaǵal shańaraqlar reestrine kirgizilgen shańaraqlardıń aǵzalarına qáwenderlik shólkemleri tárepinen salıq dáwiri dawamında BEMniń 100 esesine shekemgi pul qarjıları tárizinde tikkeley beriletuǵın qáwenderlik qayırqomlıqlarına dáramat salıǵı salınbaydı.
Mayıplıǵı bolǵan shaxslar, veteranlar, hayal-qızlar hám balalar jámiyetlik birlespelerin mámleketlik dizimnen ótkergeni ushın mámleketlik bajı belgilengen stavkanıń 50 procenti muǵdarında óndiriledi.

ÓzA