Qaraqalpaqstan Respublikası prokurorı Sh.Aminovtıń Xojeli, Taqıyatas, Shomanay hám Qanlıkól rayonlarınıń jasları ushın ashıqtan-ashıq sáwbetlesiw tárizindegi “Prokuror hám jaslar” ushırasıwı bolıp ótti.

Bul ushırasıwǵa usı aymaqlardan prokurorlar atalıǵına alınǵan jaslar tolıq qamtıp alındı.
Jaslardıń múrájatları tiykarında, isbilermenlik hám óndirislik jumısın jolǵa qoyıwı ushın 9 jasqa jeńilletilgen kredit ajıratıw máselesi ornında sheshilgen bolsa, 2 jasqa ózin-ózi bánt etiwi ushın jumıs quralları berildi, 2 jasqa mektep oqıwshılarına shet tillerin úyretiw ushın til dógeregin shólkemlestiriwge járdemlesiw belgilendi, 2 jas ilimiy jumıs penen shuǵıllanıwı ushın sol kúnniń ózinde kompyuter texnikası menen támiyinlendi, 20 dan aslam múrájatlardı úyreniw ushın múddet talap etkeni sebepli, qadaǵalawǵa alındı.
Ilaj juwmaǵında óz miynet jolın nátiyjeli shólkemlestirgen hám jaslardı qollap-quwatlaw, mashqalaların sheshiwde belsendilik kórsetken bir qatar jaslar jetekshileri hám belsendi jaslarǵa Respublika prokurorınıń minnetdarshılıq xatı hám estelik sawǵaları tapsırıldı.

Qaraqalpaqstan xabar agentligi.