Ózbekstan hám Kuveyt arasında eki tárepleme tovar almasıw kólemi bes jıl ishinde bes eseden zıyat arttı. Birge islesiwdiń tiykarǵı perspektivalı baǵdarları sıpatında agrosanaat kompleksi, neft-ximiya, infrastruktura, transport hám logistika, sanlı hám finanslıq xızmetler belgilendi.

Ózbekstan Respublikası Investiciyalar, sanaat hám sawda ministri Laziz Qudratov basshılıǵındaǵı delegaciya Kuveytte ámeliy sapar menen boldı.
Sapar baǵdarlaması sheńberinde Kuveyt húkimeti wákilleri, isbilermen toparlar hám qarjı institutları menen sóylesiwler ótkerildi, sonday-aq, Ózbekstan-Kuveyt Húkimetleraralıq birgeliktegi komissiyasınıń ekinshi májilisi bolıp ótti. Májiliste Biznes-ombudsman apparatınıń xızmetkeri Sheroz Shodiev te qatnastı.
Komissiya májilisi sheńberinde hám eki tárepleme ushırasıwlarda investiciyalıq birge islesiwdi tereńlestiriw, eki tárepleme sawdanı keńeytiw, neft-gaz hám neft-ximiya tarawlarında birge islesiwdi jolǵa qoyıw, logistika, sawda, Ózbekstan aviakompaniyaları ushın aviaciya janılǵısın jetkerip beriw, miywe-ovoщ ónimleriniń eksportın keńeytiw, sonday-aq, standartlardı óz-ara tán alıw hám laboratoriyalardı akkreditaciyalaw sıyaqlı máseleler dodalandı.
Maǵlıwmatqa bola, sapar sheńberinde Ózbekstan-Kuvayt biznes-forumı hám «Made in Uzbekistan» kórgizbesinde de qatnasıp, elektron kommerciya, islam qarjısı, qurılıs, sanaat hám densawlıqtı saqlaw tarawlarında Kuveyt isbilermen toparları menen ushırasıwlar ótkerildi.

ÓzA