Jidda qalasına Ózbekstandaǵı Islam civilizaciyası orayınıń direktorı Firdavs Abduxoliqovtıń rásmiy saparı sheńberinde bir qatar áhmiyetli ushırasıwlar shólkemlestirildi. Bul sapar Prezidenttiń baslaması menen qurılǵan Ózbekstandaǵı Islam civilizaciyası orayınıń bay mádeniy-ruwxıy miyrasın xalıqaralıq kólemde úgit-násiyatlaw, ilimiy hám mádeniy baylanıslardı bekkemlew jáne abıraylı xalıqaralıq shólkemler menen birge islesiwdi bunnan bılay da rawajlandırıwǵa qaratıldı.

Sapar sheńberinde Ózbekstandaǵı Islam civilizaciyası orayınıń direktorı Firdavs Abduxoliqov Jidda qalasında Islam kórkem óneri muzeyiniń direktorı Mamduh Usmon menen ushırastı. Onda Oraydıń jumısı, onıń tiykarǵı maqset hám wazıypaları, islam civilizaciyasınıń ilimiy, tariyxıy hám ruwxıy miyrasın úyreniw hám úgit-násiyatlaw baǵdarında ámelge asırılıp atırǵan joybarlar haqqında tolıq maǵlıwmat berildi. Ushırasıw qatnasıwshıları Ózbekstandaǵı Islam civilizaciyası orayınıń jumısı menen jaqınnan tanısıp, ámelge asırılıp atırǵan jumıslardı joqarı bahaladı.
Sonday-aq, barlıq sóylesiw hám ushırasıwlar dawamında birgeliktegi kórgizbeler shólkemlestiriw, ilimiy-izertlew jumısların jolǵa qoyıw, xalıqaralıq ánjumanlar ótkeriw, qánigeler hám izertlewshiler arasında tájiriybe almasıw máseleleri keńnen dodalandı. Tárepler birge islesiwdiń ámeliy mexanizmlerin islep shıǵıw boyınsha óz-ara pikir alıstı.
Sóylesiwler juwmaǵında Ózbekstandaǵı Islam civilizaciyası orayınıń direktorı Firdavs Abduxoliqov hám Birlesken Milletler Shólkeminiń Civilizaciyalar alyansı arasında óz-ara birge islesiw memorandumına qol qoyıldı. Bul hújjet civilizaciyalar arasında qarım-qatnastı bekkemlew, mádeniy keńpeyillikti úgit-násiyatlaw, sonday-aq, islam civilizaciyası miyrasın dúnya jámiyetshiligine keńnen jetkeriwge xızmet etetuǵını atap ótildi.
Tárepler bul ushırasıwlar eki tárepleme hám kóp tárepleme birge islesiwdi jańa basqıshqa alıp shıǵıwǵa xızmet etetuǵının atap ótip, keleshekte birgeliktegi joybarlardı ámelge asırıwǵa tayar ekenligin bildirdi,- dep málimleme beredi xabar.uz saytı.

Qaraqalpaqstan xabar agentligi