Ǵárezsiz mámleketlerdiń doslıq awqamı Standartlastırıw, metrologiya hám sertifikatlastırıw boyınsha mámleketleraralıq Keńesiniń (MGS) 68-májilisi Moskvada bolıp ótti.

Onda Ózbekstan texnikalıq jaqtan tártipke salıw hám xalıqaralıq birge islesiw tarawlarında jáhán standartları menen úylestiriw baǵdarındaǵı áhmiyetli máseleler dodalandı.
Ilajda ǴMDA Bas xatkeriniń orınbasarı Ilhom Nematov qatnastı. Májiliste aǵza mámleketler milliy standartlastırıw, metrologiya, sertifikatlastırıw hám muwapıqlıqtı bahalaw sistemaların jetilistiriw jáne ilimiy-texnikalıq hám sawda-ekonomikalıq birge islesiwdi bunnan bılay da kúsheytiw áhmiyetli wazıypalar sıpatında belgilendi.
Ilajda Ózbekstan Texnikalıq jaqtan tártipke salıw agentligi direktorı basshılıǵındaǵı delegaciya da qatnastı. Bul bolsa mámleketimizdiń standartlastırıw hám metrologiya tarawındaǵı xalıqaralıq birge islesiwdegi belsene ornın jáne de bekkemleydi.
Májiliste milliy uyımlar tárepinen standartlar hám texnikalıq tártipke salıw ámeliyatın jetilistiriw, sawdadaǵı texnikalıq tosqınlıqlardı saplastırıw hám ónimlerdiń básekige shıdamlılıǵın arttırıw, aǵza mámleketler arasında joqarı maman qánigelerdi tayarlaw hám tájiriybe almasıw, ilimiy-texnikalıq jáne sawda-ekonomikalıq baylanıslardı keńeytiw boyınsha birge islesiwdi tereńlestiriw máseleleri dodalandı.
Sonday-aq, májilis sheńberinde “Ónim hám xızmetler sapası tarawında erisken jetiskenlikleri ushın ǴMDA sıylıǵı” tańlawı boyınsha nominaciyalar, sonıń ishinde, Ózbekstannan 6 jergilikli kárxana ǴMDA Atqarıw komitetine usınıldı.
Juwmaǵında gezektegi májilisti Bishkekte ótkeriw qararı maqullandı.

ÓzA