2020-jıl 8-iyundaǵı PQ-4742-sanlı qarar menen taksi xızmeti menen shuǵıllanıw ózin-ózi bánt etken shaxslar shuǵıllanıwı múmkin bolǵan jumıs (jumıslar, xızmetler) túrleri dizimine kirgizilgen edi. Sol sebepli ámeldegi salıq nızamshılıǵına muwapıq bul shaxslardıń óz jumısı nátiyjesinde alǵan hám 100 million sumǵa shekemgi dáramatları dáramat salıǵınan azat etilgen edi.

Biraq bıyıl 12-avgusttaǵı PQ-247-sanlı qarar menen isbilermenlik subektleri arasında teńdey sharayatlardı támiyinlew maqsetinde 2026-jıl 1-yanvardan baslap bul tártip, yaǵnıy 100 million sumǵa shekemgi salıq jeńilligi biykar etildi.
Endi 2026-jıl 1-yanvardan baslap jıllıq aylanısı 1 milliard sumǵa shekem bolǵan ózin-ózi bánt etken shaxslar ushın aylanıstan alınatuǵın salıq stavkası 1 procent muǵdarında belgilenedi.
Mısalı, taksi jumısı menen shuǵıllanıwshı shaxs usı jumıs túrinen 1 mln sumǵa shekem dáramat alatuǵın bolsa, sonnan 1 procent – 10 mıń sum muǵdarında salıq tólewi kerek boladı.
Onda salıq summaları tiyisli tártipte taksi agregatorları tárepinen avtomatikalıq túrde uslap qalınadı hám mámleketlik byudjetke ótkerip beriledi,- dep málimleme beredi xabar.uz saytı.

Qaraqalpaqstan xabar agentligi