Ózbekstan Respublikası Prezidenti Shavkat Mirziyoev Túrkmen xalqınıń milliy jetekshisi, Túrkmenstan Xalıq Másláháti Baslıǵı Gurbanguli Berdimuhamedovtıń mirát etiwine bola 11-12-dekabr kúnleri ámeliy sapar menen usı mámlekette boladı.

Sapar baǵdarlamasına muwapıq, mámleketimiz jetekshisi Túrkmenstannıń turaqlı biytárepligi járiyalanǵanınıń 30 jıllıǵı, Xalıqaralıq biytáreplik kúni jáne 2025-jıl “Xalıqaralıq tınıshlıq hám isenim jılı” dep járiyalanǵanına baǵıshlanǵan xalıqaralıq forumda qatnasıwı názerde tutılǵan.
Ashxabad qalasında bolıp ótetuǵın ilajda sırt mámleketler hám húkimetler, xalıqaralıq hám regionallıq shólkemlerdiń basshıları da qatnasadı.
Ózbekstan Respublikası Prezidenti forumnıń “Tınıshlıq hám isenim: turaqlı keleshek jolındaǵı maqsetlerdiń birligi” atamasındaǵı jalpı sessiyasında shıǵıp sóyleydi.
Sammit sheńberinde Ózbekstan basshısı bir qatar eki tárepleme ushırasıwlar da ótkeredi.

Qaraqalpaqstan xabar agentligi