Prezident Shavkat Mirziyoev Awıl xojalıǵı tarawı xızmetkerleri kúni múnásibeti menen taraw wákilleri menen sóylesiw ótkermekte.

Sóziniń aldında mámleketimiz basshısı pidákerlik hám mashaqatlı miyneti menen zúráát jetistirip, el dasturxanına qut-bereket alıp kirip atırǵan barlıq diyqan, fermer, baǵman, sharwa, suwshı, agronom hám mexanizatorlarǵa óziniń tereń húrmet-izzetin bildirdi.
“Sizlerdiń tek ǵana awıl xojalıǵı emes, al ekonomikanı rawajlandırıw, xalıqtıń turmısın jaqsılaw, azıq-awqat qáwipsizligi baǵdarındaǵı sheksiz islerińiz hár qansha maqtawǵa ılayıq”, – dedi mámleketimiz basshısı.
Bıyıl ekonomikanıń barlıq tarmaqlarında jetiskenliklerge bay hám bereketli jıl bolǵanı atap ótildi. Ásirese, xalqımızdıń 3,5 millionnan aslam wákili miynet etip atırǵan awıl xojalıǵında úlken sheklerge erisildi.