9-dekabr – “Xalıqaralıq korrupciyaǵa qarsı gúresiw kúni” múnásibeti menen Respublikalıq qánigelestirilgen endokrinologiya ilimiy-ámeliy medicina orayı Qaraqalpaqstan filialında ilaj ótkerildi.

Onda Qaraqalpaqstan Respublikası Densawlıqtı saqlaw ministrligi wákilleri hám oraydıń medicina xızmetkerleri qatnastı.
Ilajda Densawlıqtı saqlaw ministrliginiń bas yuriskonsultı Jiyenbay Allaniyazov hám basqalar elimizde korrupciyaǵa qarsı gúresiw baǵdarında ámelge asırılıp atırǵan jumıslar, korrupciyalıq jaǵdaylardıń aldın alıw, jámiyetshilik arasında onıń unamsız aqıbetleri hám nızamda belgilengen jaza normaları haqqında tolıq maǵlıwmatlar berip, qatnasıwshılardı bunday illetlerden awlaq júriwge shaqırdı.
Sonday-aq, hár bir medicina xızmetkeri óz jumısı dawamında kásiplik etikaǵa, hadallıq hám ashıq-aydınlıq principlerine qatań ámel etiwi haqqında da sóz boldı.
Ótkerilgen ilajda filial xızmetkerleri nızamshılıǵımızǵa engizilgen jańa ózgerisler haqqında sorawlar berip, olarǵa juwaplar aldı.

Qaraqalpaqstan xabar agentligi