Prezident Shavkat Mirziyoevtiń qatnasıwında Xalıq deputatları Jizzaq wálayatı Keńesiniń gezeksiz sessiyası bolıp ótpekte.

Búgin wálayatta hár bir rayonnıń qánigelesiwinen kelip shıǵıp, investorlarǵa anıq joybarlar paketin usınatuǵın ortalıq qáliplesti.
Wálayattaǵı úlken potencial esabınan házirdiń ózinde 12 milliard dollarlıq 152 iri investiciyalıq joybar portfeli tayar ekeni járiyalandı.
Olar ámelge asırılsa, wálayat sanaat, awıl xojalıǵı hám turizm tarawında jáne de rawajlanǵan hám tartımlı aymaqqa aylanadı. Atap aytqanda, wálayattıń tawlı, suwlı hám jaylaw aymaqları baǵshılıq hám turizm boyınsha, dala hám shól jer kóp rayonlar bolsa sanaat boyınsha jańasha qatnaslar tiykarında rawajlandırıladı.
Sonday-aq, sanaat zonalarındaǵı 3 direkciya negizinde investorlardı kútip alıw, olarǵa járdemlesiw, marketing penen shuǵıllanatuǵın Birden-bir basqarıw kompaniyası shólkemlestiriledi.
Bul kompaniyaǵa sanaat zonalarında jaylasatuǵın joybarlarǵa jerdiń bazar bahasında úles bolıp kiriw wákilligi beriledi.

ÓzA