Xalıq deputatları Jizzaq wálayatı Keńesiniń gezeksiz sessiyasında shólkemlestiriw máselesi kórip shıǵıldı.

Prezidentimiz Jizzaq wálayatı hákimi lawazımına hákim wazıypasın atqarıp kiyatırǵan Uluǵbek Mustafoevtıń kandidaturasın alǵa qoydı.
Xalıq deputatları hám wálayattıń belsendileri talaban haqqında pikirlerin bildirdi. Bunnan soń wálayat hákimin tayınlaw máselesi dawısqa qoyıldı.
Dawıs beriw nátiyjelerine bola, Uluǵbek Mustafoev Jizzaq wálayatınıń hákimi etip tastıyıqlandı.
Mámleketimiz basshısı jańa hákim bildirilgen isenimdi aqlap, kelesi jılı wálayatqa 4,5 milliard dollar sırt el investiciyası alıp keliw, eksporttı 500 million dollarǵa jetkeriw, 175 mıń adamdı jumıs penen támiyinlew, 15 mıń shańaraqtı kámbaǵallıqtan shıǵarıw baǵdarında tınımsız islewi kerek ekenligin kórsetip ótti.

ÓzA