“Nókis” sırtqı ekonomikalıq jumıs bajıxana postında bajıxana inspektorları tárepinen studentler ushın profilaktikalıq ilaj ótkerildi.

Onda Qaraqalpaqstan Respublikası Awıl xojalıǵı hám agrotexnologiyalar institutı yurisprudenciya baǵdarında bilim alıp atırǵan student-jaslar qatnastı.
Ushırasıw dawamında post xızmetkerleri studentlerge bajıxana postınıń qalay islewi, júkler hám transport qurallarınıń bajıxana qadaǵalawınan ótiw processleri, xızmetkerlerdiń kúndelikli xızmet wazıypaları haqqında tolıq maǵlıwmat berdi. Sonday-aq, bajıxana tarawı ushın áhmiyetli bolǵan nızamshılıq talapları, huqıqbuzarlıqlardıń aldın alıw, kontrabanda hám nızamsız tovar alıp kiriwge qarsı gúresiw boyınsha ámeliy túsinikler berildi.
Ilajda bajıxana xızmetkerleriniń lawazım wákilliginen materiallıq yamasa materiallıq emes máp esesine paydalanıwı, dámegóylik jaǵdaylarına dus kelse, Bajıxana komitetiniń 11-08 hám Qaraqalpaqstan Respublikası bajıxana basqarmasınıń +99861 224-90-86 isenim nomerlerine qońıraw etip, xabar beriwi esletip ótildi.
Studentler ózlerin qızıqtırǵan sorawlar menen múrájat etip, bajıxana sistemasındaǵı jumıs processleri menen jaqınnan tanısıw imkaniyatına iye boldı.

Qaraqalpaqstan xabar agentligi