Ózbekstan Respublikası Prezidentiniń Qararı

Ózbekstan Respublikası Prezidentiniń 2025-jıl 19-noyabrdegi “Ózbekstan Respublikasında turaq jay hám ipoteka bazarın turaqlı rawajlandırıw ilajları haqqında”ǵı PP-219-sanlı Pármanınıń orınlanıwın támiyinlew jáne Ózbekstan Respublikası Urbanizaciya hám turaq jay bazarın turaqlı rawajlandırıw milliy komitetiniń jumısın shólkemlestiriw maqsetinde qarar etemen:
I. Maqsetler
Tómendegiler usı qarardı qabıl etiwden gózlengen tiykarǵı maqsetler etip belgilensin:
(a) urbanizaciya hám turaq jay tarawında mámleketlik basqarıw nátiyjeliligin arttırıw;
(b) Ózbekstan Respublikası Urbanizaciya hám turaq jay bazarın turaqlı rawajlandırıw milliy komiteti (keyingi orınlarda – Milliy komitet) jumısın shólkemlestiriw;
(v) urbanizaciya hám turaq jay tarawında mámleketlik uyımlar arasında óz ara integraciyanı shólkemlestirgen halda birge islesiwdi jáne de rawajlandırıw;
(g) urbanizaciya hám turaq jay tarawında jetekshi sırt mámleketler hám xalıqaralıq shólkemler menen nátiyjeli birge islesiwdi jolǵa qoyıw.
II. Mámleketlik uyımınıń juwapkershiligin arttırıw
2. Sonday tártip ornatılsın, oǵan bola tómendegi máselelerdi óz ishine alǵan normativlik-huqıqıy hújjetler joybarları Milliy komitet penen májbúriy kelisiliwi shárt:
(a) turaq jaylar qurılısında mámleket tárepinen qollap-quwatlaw ilajları;
(b) Nókis hám Tashkent qalalarında, wálayatlardıń oraylarında hám basqa da aglomeraciyalarda turaq jay jáne turaq jay emes komplekslerdi qurıw joybarların ámelge asırıw;
(v) “Jańa Ózbekstan” massivlerinde hám basqa da massivlerde kóp kvartiralı jaylar qurılısı boyınsha jıllıq maqsetli kórsetkishlerdi tastıyıqlaw;
(g) kompleksli qurılıs joybarları ámelge asırılatuǵın hám “Jańa Ózbekstan” massivleri qurılatuǵın aymaqlardı belgilew.
3. Tómendegiler:
(a) Milliy komitet basqarıw xızmetkerleriniń ulıwma sheklengen sanı 50 shtat birliginen ibarat bolatuǵını;
(b) Milliy komitet joybar basqarıw principi tiykarında rawajlandırıw joybarların ámelge asırıw ushın jergilikli hám sırt elli qánige hám ekspertlerdi, sonıń ishinde, ilimpazlar, ilimiy izleniwshiler hám izertlewshilerdi tikkeley shártnamalar tiykarında tartıwı (jumısqa alıwı) múmkinligi;
(v) Milliy komitettiń jumısı Mámleketlik byudjet qarjıları hám nızamshılıq hújjetlerinde qadaǵan etilmegen basqa derekler esabınan qarjılandırılatuǵını belgilep qoyılsın.
4. Ózbekstan Respublikası Urbanizaciya hám turaq jay bazarın turaqlı rawajlandırıw milliy komiteti haqqındaǵı reje qosımshaǵa muwapıq tastıyıqlansın.
5. Milliy komitet Tashkent qalası, Zulfiyaxanım kóshesi, 1a-jayda jaylasqan hákimshilik imaratqa operativ basqarıw huqıqı tiykarında jaylastırılsın.
III. Qarardıń orınlanıwın shólkemlestiriw, támiyinlew hám qadaǵalaw
6. Usı qarardıń nátiyjeli orınlanıwın shólkemlestiriw ushın juwapker hám jeke juwapker etip Urbanizaciya hám turaq jay bazarın turaqlı rawajlandırıw milliy komitetiniń baslıǵı belgilensin.
7. Qarardıń orınlanıwın qadaǵalaw hám orınlaw ushın juwapker shólkemlerdiń jumısın muwapıqlastırıw Ózbekstan Respublikasınıń Bas ministri A.N.Aripovqa júklensin.

Ózbekstan Respublikası Prezidenti
Sh.Mirziyoev