Usı jıldıń 19-noyabr kúni Ózbekstan Respublikası hám Latviya arasındaǵı birge islesiw boyınsha parlamentleraralıq toparlardıń birinshi májilisi onlayn formatta ótkerildi.

Ózbekstan hám Latviya arasındaǵı doslıq qatnasıqları bekkemlenip atırǵanı atap ótilip, olar bekkem tariyxıy tiykarlarǵa iye ekeni jáne óz-ara húrmet hám isenim principleri tiykarında rawajlanıp atırǵanı atap ótildi.
Ilajda eki mámleket arasındaǵı parlamentleraralıq birge islesiwdi rawajlandırıw, investiciya, eksport, turizm, mádeniyat, bilimlendiriw, awıl xojalıǵı, migraciya, ekologiya hám qorshaǵan ortalıqtı qorǵaw tarawlarındaǵı qatnasıqlardı keńeytiw dodalandı.
Parlament aǵzaları Ózbekstan menen Latviya arasındaǵı qatnasıqlardı, sonıń ishinde, sawda-ekonomikalıq hám investiciya tarawlarında bunnan bılay da rawajlandırıwǵa itibar qarattı.
Kóp qırlı birge islesiwdi, atap aytqanda, awıl hám suw xojalıǵı tarawlarındaǵı baylanıslar, ekonomikalıq hám investiciyalıq joybarlardı keńeytiw jáne aymaqlararalıq birge islesiwdi rawajlandırıw, doslıq baylanısların ornatıwda parlamentlerdiń qatnasıwın keńeytiw zárúr ekenligi atap ótildi.
Májilis juwmaǵında birgeliktegi baslamalardıń ámeliy orınlanıwın támiyinlew maqsetinde parlamentleraralıq sóylesiwdi jedellestiriwge kelisip alındı.

Qaraqalpaqstan xabar agentligi