Búgin, 18-noyabr kúni Tájikstan Prezidenti Emomali Rahmon mámleket Sırtqı isler ministrligi basshılıǵında kadrlar ózgerislerin ámelge asırdı. Bul haqqında Tájikstan prezidentiniń baspasóz xızmeti xabar berdi.

Prezident pármanına bola, 2021-jıldıń may ayınan berli Tájikstannıń Ózbekstandaǵı elshisi bolıp islep kelgen Abdujabbor Rahmonzoda iyelep turǵan lawazımınan azat etilgen. Bul lawazımǵa usı kúnge shekem Tájikstan Sırtqı isler ministriniń birinshi orınbasarı bolıp islegen Nasriddin Ismatullo tayınlanǵan.
Sonıń menen bir qatarda, Húkimet qararlarına bola, Nasriddin Ismatullo SIM baslıǵınıń birinshi orınbasarı lawazımınan azat etilgen. Onıń ornın bolsa Farrux Hamralizoda iyelegen.

Qaraqalpaqstan xabar agentligi