Sudyalar joqarı keńesiniń qararı menen Tashkent qalalıq sudınıń puqaralıq isleri boyınsha sudyası O.Sattarov, Namangan wálayatı jınayat isleri boyınsha CHust rayonlıq sudınıń tergew sudyası S.Ywldashev hám Ferǵana wálayatlıq sudınıń ekonomikalıq isler boyınsha sudyası D.Ubaydullaev – jazba arzalarına bola sudyalıq wákillikleri múddetinen aldın toqtatıldı.

Sonday-aq, Xorezm wálayatı jınayat isleri boyınsha Yangibazar rayonlıq sudınıń tergew sudyası D.Matniyazov – Sudyalar ádebiyatı kodeksiniń talapların buzǵanı ushın lawazımınan azat etilip, sudyalıq wákillikleri múddetinen aldın saplastırılǵan.
Puqaralıq isleri boyınsha Shımbay rayonlararalıq sudınıń sudyası Z. Ametova da jazba arzasına bola, lawazımınan azat etildi. Onıń wákilliklerin múddetinen aldın toqtatıw maqsetke muwapıq, dep tabılǵan hám bul haqqında Qaraqalpaqstan Respublikası Joqarǵı Keńesine usınıs kirgizilgen, – dep málimleme beredi xabar.uz saytı.

Qaraqalpaqstan xabar agentligi