Malayziyanıń Kuala-Lumpur qalasında “AFC Special Elite Youth Football Awards – 2025” máresimi bolıp ótti.

Anıǵıraq aytatuǵın bolsaq, bul abıraylı sıylıq jeńimpazın anıqlaw máresimi hár jılı turaqlı túrde jarıstı shólkemlestiriw, jıl dawamında ótkerilgen oyınlar sanı, infrastruktura dárejesi, tóreshilik sapası, trenerlerdiń mamanlıǵı hám sońǵı jıllarda usı chempionattan jetisip shıqqan professional futbolshılar sanı esapqa alınǵan halda shólkemlestiriledi. Joqarıdaǵı kórsetkishler boyınsha Ózbekstan Professional futbol ligası tárepinen shólkemlestirilip kiyatırǵan U19 chempionatı Aziyada teńsiz dep tabıldı hám jıldıń eń jaqsı jaslar ligası dep tán alındı.
Bul sıylıqtı AFC bas xatkeriniń orınbasarı – Shin Man Gil Liganıń jarıslardı ótkeriw bóliminiń bas qánigesi, U19 chempionatınıń menedjeri – Qudratbek Madraimovqa tapsırdı.
Máresim waqtında házirgi waqıtta Jáhán chempionatında qatnasıp atırǵan Ózbekstan U17 saylandı komandası quramındaǵı kópshilik futbolshılar mine usı jarısta qálipleskeni ayrıqsha atap ótildi.
Maǵlıwmat ornında, sońǵı eki jıl dawamında bul sıylıqqa Yaponiyanıń túrli jas kategoriyalarındaǵı ligaları miyasar bolǵan edi.

Javoahir Toshxwjaev, ÓzA