Ózbekstanda náshebentlik hám narkojınayatshılıqqa qarsı gúresiw boyınsha 2024-2028-jıllarǵa mólsherlengen milliy strategiyanıń tiykarǵı maqsetlerine erisiw, náshebentlik hám shólkemlesken narkojınayatshılıqqa qarsı gúresiw jumısın sapa jaǵınan jańa basqıshqa alıp shıǵıw arqalı xalıqtı, birinshi gezekte, jaslardıń salamatlıǵın hám millet genofondın nátiyjeli qorǵaw boyınsha kompleksli ilajlar belgilendi.

Oǵan bola:
• Narkojınayıy awqam shólkemlestiriw, internet arqalı ótkeriw, narkolaboratoriya dúziw hám lawazımlı shaxs qáwenderlik etiw sıyaqlı qılmıslar ushın jigirma jılǵa shekem erkinen ayırıw jazası belgilenedi.
• Jas óspirimlerge qarata islengen hár qanday narkojınayat juwapkershilikti awırlastırıwshı jaǵday sıpatında belgilenedi.
• Náshebentlik quralların kóp muǵdarda satıw hám kúshli tásir etetuǵın elementlerdi bilimlendiriw shólkemlerinde aylanısqa kirgiziw sıyaqlı qılmıslar ushın jaza eki esege shekem awırlastırıladı.
• Ayırım narkojınayatlardı islegen shaxslardı múddetinen aldın shártli azat etpew tártibi engiziledi.
Prekursorlar (narkotik qurallar tayarlanatuǵın ximiyalıq elementler) aylanısı ústinen qatań mámleketlik qadaǵalaw ornatıladı, dizimi keńeytiledi, – dep málimleme beredi xabar.uz saytı.

Qaraqalpaqstan xabar agentligi