Bul haqqında Prezident Shavkat Mirziyoevtiń medicina hám farmacevtika xızmetkerleri menen ushırasıwında málim etildi.

Medicina xızmetkerlerine barlıq túrdegi mámleketlik xızmetlerdiń tólemi 2 esege azaytıladı. Oǵan qosımsha 100 milliard sum ajıratıladı.
– Eger medicina xızmetkeri shańaraǵı hám perzentlerine kóbirek waqıt ajıratsa, óz ústinde tereńirek islese, jeke rawajlanıw, kásibine bolǵan muhabbat, eń áhmiyetlisi, jumısındaǵı sapa hám ónimdarlıq jáne de artadı.
Sonıń ushın kelesi jıl 1-aprelden mámleketlik medicina mákemelerindegi aylıqlardı tolıq saqlap qalǵan halda jumıs háptesin házirgi altı kúnlikten bes kúnlikke ótkeremiz, – dedi mámleketimiz basshısı.
Jizzaq tawlarınıń eń sulıw jerlerinen birinde boy tiklegen ayrıqsha dem alıw ornı medicina xızmetkerleri ushın sawǵa etiledi.

ÓzA