Endi hár jılı Medicina hám farmacevtika xızmetkerleri kúni múnásibeti menen mámleketlik medicina mákemeleriniń barlıq xızmetkerlerine aqshalay sıylıq beriledi.

Rayonda jańa emlew usılın engizgen shıpakerler 21 million sumnan sıylıq aladı.
Mámleketlik medicina mákemelerinde keminde 15 jıl islegen medicina xızmetkerlerine sanatoriylerge biypul jollama beriledi, mámleketlik joqarı oqıw orınlarına oqıwǵa kirgen perzentiniń bir jıllıq kontrakt summasına 30 procent shegirme usınıladı, hár jılı jumısında ayrıqsha nátiyjelerge erisken 500 adamǵa ipoteka krediti baslanǵısh tóleminiń 25 procenti kompensaciya etiledi.
Mámleketlik medicina mákemelerinde keminde 3 jıllıq stajǵa iye medicina xızmetkerlerine zárúrlik payda bolǵanda jılına bir márte joqarı texnologiyalıq qánigelesken medicinalıq járdem biypul kórsetiledi.
Xalıqaralıq tán alınǵan indekslenetuǵın jurnallarda ilimiy maqala shıǵarıwǵa jumsalǵan qárejetler tolıq qaplap beriledi.

ÓzA