Kóplegen tarawlar qatarında medicinada da jeke menshik sektor jedel rawajlanıp barmaqta.

Sońǵı segiz jılda jeke menshik klinika hám laboratoriyalardıń sanı 3 esege kóbeyip, 9 mıńǵa, olardaǵı emlew orınları bolsa 57 mıńǵa jetti.
Prezidentimiz házirgi waqıtta medicinalıq xızmetlerdiń 30 procenti jeke menshik sektor tárepinen kórsetilip atırǵanı, aldıńǵı baslamalar da olardan shıǵıp atırǵanı quwanıshlı jaǵday ekenin atap ótip, olardıń jeke menshik sheriklikti keńeytiw boyınsha barlıq usınısların kórip shıǵıwǵa tayar ekenin bildirdi.
Jeke menshik medicina klinikalarında kórsetilip atırǵan xızmetlerdiń bahaları respublikalıq oraylardan arzan ekeni kórsetip ótildi.
Juwapkerlerge respublikalıq oraylardaǵı xızmetlerdiń bahalarınıń ádilligin kórip shıǵıw, jeke menshik klinikada tap usı xızmetler arzan hám sapalı bolsa, medicinalıq qamsızlandırıw qarjısın olarǵa tólep beriw tapsırıldı.

ÓzA