Prezident Shavkat Mirziyoevtiń medicina hám farmacevtika xızmetkerleri menen ushırasıwı dawam etpekte.

Qarshı qalası, Angor hám Bostan rayonlarında júrek-qan tamır kesellikleri joqarı bolıwına qaramastan, Kardiologiya orayı bul baǵdarda anıq ilaj belgilemegen. Bul orayǵa úsh jıl aldın 5 million dollarǵa alıp berilgen zamanagóy laboratoriya hám stimulyaciya úskeneleri bir kún de paydalanılmaǵanı atap ótildi.
Endokrin keselliklerdiń dárisi ushın hár jılı 100 milliard sum ajıratılmaqta. Biraq qalqan tárizli bez keselligi Qaraqalpaqstan, Samarqand, Surxandárya hám Jizzaqta joqarılıǵınsha qalmaqta.
Endokrinologiya orayı xızmetlerdiń bahasın bir jılda 35 procentke arttırǵan, biraq keselliklerdiń profilaktikasın oylamaǵan.
Búgin jeke menshik klinikalar mámleketlik emlewxanalar menen teńdey turıp, ayırım joqarı texnologiyalıq xızmetler boyınsha aldıǵa ótip ketkeni atap ótildi.
Máselen, xirurgiyada robot texnologiyaları da birinshi bolıp jeke menshik sektorda qollanıldı. Biraq Neyroxirurgiya, Xirurgiya oraylarınıń bolsa robot járdemindegi operaciyalardı qashan jolǵa qoyıw boyınsha rejesi joq.

ÓzA