Bul haqqında Prezident Shavkat Mirziyoev medicina hám farmacevtika xızmetkerleri menen ushırasıwda atap ótti.

Ekonomikamızdı turaqlı rawajlandırıw, adamlardı jumıslı hám dáramatlı etiw, jaslarǵa zamanagóy bilim hám tárbiya beriw, xalqımızdıń salamatlıǵın bekkemlew boyınsha reformalar jedel alıp barılıp atırǵanı atap ótildi.
Sońǵı jılları medicina tarawınıń ózine 230 trillion sum (20 milliard dollar) qaratıldı. Bıyıl 45 trillion sum, 2016-jılǵa salıstırǵanda bolsa 6 esege kóp.
Nátiyjede orınlarda 187 jańa poliklinika hám emlewxana iske qosıldı, 1 mıń 244 i rekonstrukciyalanıp, úskenelendi.
Baslanǵısh medicina mákemeleriniń quwatlılıǵı 60 procentke artıp, medicinalıq xızmet xalıqqa biraz jaqınlastı. Burın tiykarınan paytaxtta orınlanǵan joqarı texnologiyalıq hám diagnostika-emlew usıllarınıń 400 den aslamı aymaqlarda ámelge asırılmaqta. Júzlegen quramalı operaciyalar wálayat oraylarına, az invazivli operaciyalar rayon dárejesine túsirildi.
– Birinshi márte 45 rayonda bóteke kóshirip ótkeriw ámeliyatı jolǵa qoyılǵanı insan salamatlıǵı baǵdarındaǵı jumıslarımızdıń anıq ámeliy tastıyıǵı bolıp esaplanadı, – dedi Prezidentimiz.

ÓzA