Huqıqıy múnásibet

Eger bala izbe-iz 3 kúnnen artıq baqshaǵa barmasa, sol kúnler ushın tólem tólenbeydi, eger aldınnan tólengen bolsa, keyingi tólemler ushın esapqa alınadı.
Xosh, qaysı jaǵdaylarda tólem shárt emes?
Tashkent mámleketlik yuridikalıq universiteti Yuridikalıq klinika baslıǵı Otabek Narziev bul boyınsha tómendegilerdi málim etti:
– Bul jaǵdayda balanıń yamasa shańaraq aǵzalarınıń keselligi, balanıń yamasa shańaraq aǵzalarınıń karantinde bolıwı hám ata-analardan biriniń jumıstan yamasa oqıwdan bos waqıtı yamasa basqa da tiykarlı sebeplerge, sonıń ishinde, shańaraqlıq máresimlerge bola bala 3 kúnnen artıq baqshaǵa kelmese, bul kúnler ushın tólem tólenbeydi.
Bunda hár bir jaǵday hújjet penen tastıyıqlanıwı kerek. Atap aytqanda, kesellik beti yamasa ata-ananıń baqsha basshılıǵına jazba arzası arqalı ámelge asırıladı.
Sonday-aq, ata-ana arza jazǵan jaǵdayda, bala bir jıl dawamında 60 kúnge shekem baqshaǵa kelmewi múmkin.
Eger bala baqshaǵa qatnawdı pútkilley toqtatsa hám bul haqqında aldınnan jazba arza berilgen bolsa, tolıq bolmaǵan ay ushın, yaǵnıy bala tek ǵana qatnaǵan kúnleri ushın tólem ámelge asırıladı.
Eger arza bolmasa, tólem tolıq ay ushın óndiriledi.
Demek, mektepke shekemgi bilimlendiriw mákemesi aldınnan jazba eskertilgen bolsa, bala baqshaǵa barmaǵan kúnler ushın pul tólenbeydi.
Tiykar: Mektepke shekemgi bilimlendiriw shólkemleri hám mektep-internatlardaǵı balalar támiynatına haqı tólew tártibi haqqındaǵı reje, 3-bap.

Gulnoza Boboeva, ÓzA