Ózbekstan Respublikası Ministrler Kabineti “Ulıwma orta bilim beriw mákemelerinde shaqırıwǵa shekemgi baslanǵısh tayarlıq basshısı hám “Mártlik mektepleri” jumısın shólkemlestiriw ilajları haqqında” qarar qabıl etti.

Oǵan muwapıq:
Ulıwma orta bilim beriw mákemeleri shaqırıwǵa shekemgi baslanǵısh tayarlıq basshısı lawazımına talabanlardı tańlap alıw hám olardıń jumısın shólkemlestiriw tártibi haqqındaǵı reje;
“Mártlik mektepleri”ne oqıwshılardı qabıl etiw hám oqıw-tárbiya procesin shólkemlestiriw tártibi haqqındaǵı reje tastıyıqlandı.
Qorǵanıw ministrligi sistemasında engizilgen shaqırıwǵa shekemgi baslanǵısh tayarlıq basshılarına olardıń jumıs nátiyjeliligin bahalaw kórsetkishleri (KPI) tiykarında erisilgen nátiyjeliliginen kelip shıǵıp, bazalıq tarif stavkasınıń 20 procentine shekemgi muǵdarda qosımsha hár aylıq ústeme tólenedi.
Bul ústeme Qaraqalpaqstan Respublikası, wálayatlar hám Tashkent qalası qorǵanıw isleri basqarmaları jáne rayon (qala)lıq qorǵanıw isleri bólimleriniń qárejetler smetalarında qáliplestiriletuǵın xızmetkerlerdi materiallıq xoshametlew arnawlı qorı sheńberinde tólenedi.
Maǵlıwmat ushın, aldınıraq, Ózbekstan Respublikası Prezidentiniń 2024-jıl 15-noyabrdegi “Oqıwshı-jaslardı shaqırıwǵa shekemgi baslanǵısh tayarlaw sistemasın jańa basqıshqa alıp shıǵıw ilajları haqqında”ǵı PQ-393-sanlı qararına muwapıq;
Ózbekstan Respublikası Qorǵanıw ministrligi sistemasında engizilgen shaqırıwǵa shekemgi baslanǵısh tayarlıq lawazımına talabanlardı tańlaw tiykarında tańlap alıw;
ShShBT basshıları jumısınıń nátiyjeliligin bahalaw kórsetkishleri (KPI) hám olardıń miynetin qosımsha xoshametlew jáne “Mártlik mektepleri”ne oqıwshılardı qabıl etiw hám oqıw-tárbiya procesin shólkemlestiriw tártibin islep shıǵıw belgilengen edi.

ÓzA