Samarqand qalası YuNESKO Bas konferenciyasına basshılıq etpekte. Bul tariyxıy waqıya tek ǵana mámleketimiz emes, al pútkil dúnya júziniń itibarın ózine tartpaqta. Bul abıraylı ánjuman mádeniyat, bilimlendiriw, ilim, innovaciyalar hám usı sıyaqlı eń áhmiyetli tarawlardaǵı áhmiyetli máselelerdi dodalawǵa baǵıshlanǵan.

Ánjumannıń saltanatlı ashılıw máresiminde YuNESKO Bas konferenciyası 43-sessiyasınıń baslıǵı Xondker Muhammad Talxa shıǵıp sóylep, ullı ózbek shayırı Áliysher Nawayınıń “bilim hám danıshpanlıq – insannıń ziyneti bolıp esaplanadı” dep jazǵan qatarların tilge aldı.
– Bul sózler Ózbekstan Prezidentiniń jolın – bilimlendiriw, ilim, miyras, jámiyetke xızmet etiw hám ulıwma abadanlıqqa baǵıshlanǵan joldı júdá jaqsı sáwlelendiredi, – dedi sessiya baslıǵı.
Bul qádiriyatlar YuNESKO ideyaları menen únles bolıp, sonıń ushın búgin Ózbekstannıń húrmetli Prezidenti biz benen bir dógerekte qatnasıp atırǵanı ayrıqsha áhmiyetke iye.
Ózbekstan Prezidenti Ullı Mártebeli Mırzanıń jolı – bul ózinde ilimiy bilimlilikti, basqarıwdıń danalıǵın hám mámlekettiń táǵdiri ushın tereń juwapkershilik sezimin jámlegen haqıyqıy mámleketlik ǵayratkerdiń jolı bolıp esaplanadı.
Ámeliy tájiriybe hám strategiyalıq pikirlewge súyenip, ol Ózbekstannıń rawajlanıwı boyınsha zamanagóy kózqarastı qáliplestirdi hám onı jámiyet mápi jolında isenim menen ámelge asırmaqta.
Onıń basshılıǵında mámlekette barlıq baǵdarlarda misli kórilmegen rawajlanıwǵa erisildi.

ÓzA