Búgin mámleketimiz basshısı usı jılı ekonomikada kútilip atırǵan nátiyjeler hám 2026-jılǵa mólsherlengen tiykarǵı makroekonomikalıq kórsetkishler boyınsha keńeytilgen májilis ótkeredi.

Kúnniń ekinshi yarımında Prezidentimiz AQSh Prezidentiniń Qubla hám Oraylıq Aziya boyınsha arnawlı wákili Serjio Gor basshılıǵındaǵı delegaciyanı qabıllaydı.
Bizge belgili, Ózbekstan tariyxıy ilaj – YuNESKO Bas konferenciyasınıń 43-sessiyasın qabıl etpekte. Prezidentimiz Samarqandqa kelip, birinshi márte Parij qalasınan tısqarıda ótkerilip atırǵan ánjumannıń ashılıwında qatnasadı, mádeniyat, ilim hám bilimlendiriw tarawlarındaǵı xalıqaralıq birge islesiwdi bekkemlew boyınsha baslamalardı alǵa qoyadı hám bir qatar eki tárepleme ushırasıwlar ótkeredi.
Bunnan tısqarı, usı háptede mámleketimizge Serbiya Respublikası Prezidenti Aleksandr Vuchich hám Finlyandiya Respublikası Prezidenti Aleksandr Stubb sapar menen keledi. Sammitler sheńberinde joqarı dárejedegi sóylesiwler ótkerilip, eki tárepleme birge islesiwdi bunnan bılay da keńeytiwdiń áhmiyetli máseleleri dodalanadı», – dedi Sherzod Asadov óz telegram kanalında.

Qaraqalpaqstan xabar agentligi