Ózbekstan Respublikası Prezidenti Shavkat Mirziyoev rásmiy sapar menen Bryussel qalasına keldi.

Belgiya paytaxtınıń xalıqaralıq aeroportında mámleketimiz basshısın Evropa Awqamınıń Oraylıq Aziya boyınsha arnawlı wákili Eduards Stiprays hám basqa da rásmiyler kútip aldı.

24-oktyabr kúni Ózbekstan Prezidenti Evropa keńesiniń Prezidenti Antoniu Koshta hám Evropa komissiyasınıń Prezidenti Ursula fon der Lyayen menen sóylesiwler jáne Belgiyalılar Patshası Filipp penen ushırasıw ótkeredi.

Mámleketimiz basshısı Ózbekstan Respublikası hám Evropa Awqamı arasında keńeytilgen sheriklik hám birge islesiw haqqındaǵı kelisimge qol qoyıw máresiminde qatnasadı.

Sapar etiw sheńberinde Evropanıń jetekshi kompaniyaları hám finanslıq strukturalarınıń wákilleri menen dógerek sáwbeti ótkeriliwi de rejelestirilgen.

ÓzA