Oliy Majlistiń Insan huqıqları boyınsha wákili (Ombudsman) Feruza Eshmatova Rossiyaǵa xızmet saparı sheńberinde Moskva qalasınıń Saxarova aymaǵında jaylasqan sırt el puqaraların waqtınsha saqlaw orayına bardı.

Ombudsmannıń usınısına bola, orayda saqlanıp atırǵan watanlaslarımız benen sáwbetlesiwler ótkerilip, olardı qıynap atırǵan máseleler hár tárepleme tıńlandı. Ayırım múrájatlar ornında sheshildi.
Sapar etiw waqtında puqaralardıń Rossiya Federaciyası nızamshılıǵında belgilengen múddetlerden artıq saqlanbay atırǵanı anıqlandı.
Sonday-aq, shaxstı tastıyıqlawshı hújjetler joq bolǵan jaǵdaylarda, Ishki isler uyımları hám Ózbekstan Respublikasınıń Moskva qalasındaǵı elshixanası arasında hújjetlestiriw jumısları tiyisli dárejede jolǵa qoyılǵanı atap ótildi.
Bunnan tısqarı, ayırım hayal puqaralardıń jaqınları menen baylanısıwına járdemlesildi hám huqıqıy másláhátler berildi.

N.Abduraimova,
ÓzA