Huqıqıy qatnas

Usı jıldıń 1-martınan baslap 60 jasqa tolǵan er adamlarǵa hám 55 jasqa tolǵan hayal-qızlarǵa pensiyalar sol kúnniń ózinde “avtomat” túrde, yaǵnıy qanday da bir túrdegi hújjet talap etpegen halda tayınlanadı. Sonday-aq, pensiyaǵa shıǵıw processlerinde ayırım jeńillikler de belgilendi.
Bul haqqında Tashkent mámleketlik yuridikalıq universiteti Kiberhuqıq kafedrası oqıtıwshısı Javohir Eshonqulov tómendegilerdi málim etti.
Zıyanlı hám qáwipli óndiris faktorlarına iye bolǵan óndirisler, mákemeler, jumıslar, kásipler, lawazımlar hám kórsetkishlerdi Dizimge kirgiziw zárúrligi haqqındaǵı xızmetkerlerdiń usınısları eki nusqada tayarlanıp, jumıs beriwshi hám kárxana kásiplik awqamı komitetine yamasa xızmetkerlerdiń basqa da wákillikli uyımına jiberiledi.
Dizimge ózgerisler hám qosımshalar kirgiziw boyınsha usınıslardı tayarlaw hám jumıs beriwshige usınıw ushın Komissiya tómendegilerdi tekseredi.
Sonıń ishinde, jumıs ornı jobasınıń óndirisler, jumıslar hám úskeneler jaylasqan kárxananıń bas joybarına sáykesligi, texnologiyalıq processke, úskenelerdi paydalanıw boyınsha qaǵıydalarǵa ámel etiliwi, ásbap-úskenelerdiń sazlıǵı jáne jámáátlik hám jeke qorǵanıw qurallarınıń bar ekenligi hám jaramlılıǵı, qorǵanıw kiyiminiń bar ekenligi hám sáykesligin kórip shıǵadı.
Tekseriw waqtında anıqlanǵan miynet sharayatlarınıń belgilengen normalarǵa salıstırǵanda buzılıw jaǵdayları hám kemshilikler attestaciya ótkeriliwine shekem saplastırıladı.

Gulnoza Boboeva,
ÓzA