Bul haqqında Prezident Shavkat Mirziyoevtiń basshılıǵında jasalma intellekt texnologiyaların rawajlandırıw boyınsha bolıp ótip atırǵan videoselektor májilisinde atap ótildi.

Prezident taraw ushın jılına 2 mıń qánige tayarlap atırǵan joqarı oqıw orınlarınıń birinde jasalma intellekt laboratoriyası joq ekenine itibar qarattı.
Kelesi oqıw jılına shekem 10 joqarı bilimlendiriw mákemesin zamanagóy laboratoriya menen úskenelew rejelestirilgen. Sonıń menen birge, banklerdiń bir joqarı oqıw ornında, jámi 9 sonday laboratoriya shólkemlestiriw baslaması maqullandı.
“Jańa Ózbekstan” universitetinde “tarmaq – joqarı oqıw ornı – birge islesiwshi” principi boyınsha isleytuǵın “jasalma intellekt klasteri” iske qosıladı. Kelesi oqıw jılınan “TOP-300” dizimge kirgen universitetler menen birgelikte jasalma intellekt boyınsha qospa bilimlendiriw baǵdarlaması jolǵa qoyıladı.
Joqarı oqıw orınlarında jasalma intellekt, fintex, kiberqáwipsizlik, IT injenerlik, aerokosmoslıq hám bultlı texnologiyalar sıyaqlı baǵdarlar ushın mámleketlik grant kvotaları 35 procentke arttırıladı. Studentlerdiń jasalma intellektke qızıǵıwshılıǵın arttırıw maqsetinde joqarı oqıw ornı jámáátleri arasında jasalma intellekt boyınsha ulıwma milliy tańlaw ótkeriledi.
Qolaylı ekosistema jaratılǵanı ushın jıldıń basınan jergilikli startaplarǵa rekord muǵdarda – 264 million dollar investiciya kirgizildi. Biraq onda jasalma intellekt tarawındaǵı startaplardıń úlesi ele az ekenligi aytıldı.
Sonlıqtan, bunday startaplardı kóbeytiw maqsetinde sıylıq qorı 1 million dollar bolǵan “Jasalma intellekt tarawındaǵı eń jaqsı startap” tańlawın ótkeriw usınıs etildi.

ÓzA