Prezident Shavkat Mirziyoevtiń basshılıǵında jasalma intellekt texnologiyaların rawajlandırıw boyınsha videoselektor májilisi bolıp ótpekte.

Májiliste aymaqlarda da jaqsı mısallar bar ekenligi atap ótildi.
Máselen, Úrgensh qalasında jasalma intellekt tiykarında “Aqıllı qala sisteması” iske qosıldı.
Situaciyalıq oray shólkemlestirilip, elektr, gaz, suw, ıssılıq támiynatı, basqarıw-servis kompaniyaları, transport, jol, abadanlastırıw, shıǵındı kárxanaları birden-bir sistemaǵa jalǵanǵan.
Hár bir baǵdardan kelip túsip atırǵan múrájatlardı jasalma intellekt tiykarında tallap, jedel kompleksli sheshim beriw jolǵa qoyılǵan. Bulardıń esabınan jılına 16 milliard sum únemlenbekte.
Wálayat orayları hám paytaxt rayonlarınıń barlıq hákimlerine Úrgenshtegi jańa tájiriybeni úyrenip, jıldıń aqırına shekem ózinde engiziw tapsırıldı.
Basqa da ministrlikler hám uyımlardıń basshılarına da tarawdıń ishine kirip, jasalma intellektti engiziw boyınsha imkaniyatlardı iske qosıw boyınsha anıq tapsırmalar berildi.

ÓzA