Prezident Shavkat Mirziyoevtiń basshılıǵında jasalma intellekt texnologiyaların rawajlandırıw boyınsha videoselektor májilisi dawam etpekte.

2030-jılǵa shekem jasalma intellektke tiykarlanǵan xızmetler kólemin 1,5 milliard dollarǵa jetkeriw rejelestirilgen edi. Biraq sırt elli ekspertler Ózbekstannıń potencialın 10 milliard dollarǵa bahalamaqta.
Bunıń ushın Sanlı texnologiyalar ministrligi jáne de kóbirek islewi, ministrler, hákimler, tarmaq basshıları bolsa háptede bir kúnin usı tarawdı rawajlandırıwǵa ajıratıwı shárt ekenligi kórsetip ótildi.
– Barlıq ministrler, hákimler sırt elge barǵanında jasalma intellekt ekonomika tarmaqlarınıń rawajlanıwına qanday úles qosıp atırǵanın, xalıqqa, bizneske ne jeńillik berip atırǵanın kórmekte. Bizde de sonı islewge bola ma? Álbette boladı, – dedi Prezident.
Máselen, tarmaqlardaǵı kóplegen kárxanalar biznes processlerin sanlastırıp, qárejetlerin 10 procentke shekem azaytıp atırǵanı atap ótildi. Jasalma intellekt te engizilse, nátiyjelilik jáne de artatuǵını atap ótildi.
Ádillik, salıq uyımları jasalma intellekt járdeminde 24/7 rejiminde onlayn másláhát sistemasın iske qostı. Bajıxana komiteti jasalma intellekt arqalı qáwipti basqarıw sistemasın jolǵa qoydı. Geologiyada da jasalma intellekt járdeminde videoanaliz sistemasın jolǵa qoyıp, rudadan alınatuǵın metall kólemin 1-2 procentke arttırıw boyınsha joybar tayarlanbaqta. Bul tek ǵana mıs qazıp alıwdan jılına 20 million dollar qosımsha dáramat keltiredi.

ÓzA