Milliy kinologiya orayında “Shegara bajıxana postlarında náshebentlik zatlardı izlew boyınsha xızmet iytlerin tayarlaw hám olardan paydalanıw ózgeshelikleri” atamasında regionallıq oqıw-ámeliy seminar óz jumısın basladı.

Bul seminar ǴMDAǵa aǵza mámleketlerdiń bajıxana xızmetleri basshıları Keńesiniń turaqlı jumıs isleytuǵın Jumısshı uyımı – huqıq qorǵaw bólimleri basshıları komitetiniń jumısı sheńberinde ótkerilmekte.
Seminarǵa Ózbekstan Respublikası, Qazaqstan hám Qırǵızstan bajıxana xızmetleriniń wákilleri qatnaspaqta.
Dáslep qatnasıwshılar Milliy kinologiya orayınıń jumısı, onıń strukturası, oqıw bazası hám xızmet iytlerin tayarlaw imkaniyatları menen tanıstı.
Seminar sheńberinde teoriyalıq hám ámeliy sabaqlar ótkeriw, sonıń ishinde, shegara bajıxana postlarında ótkeriliwi rejelestirilgen kóshpeli oqıw shınıǵıwları nátiyjesinde processler menen jaqınnan tanısıw názerde tutılǵan.
Bunday ilajlar óz-ara tájiriybe almasıw, kásiplik tayarlıq dárejesin arttırıw hám qońsı mámleketlerdiń kinologiya orayları arasındaǵı birge islesiwdi jáne de bekkemlewge xızmet etedi.
Seminar 24-oktyabr kúnine shekem dawam etedi.

ÓzA