Jáhán densawlıqtı saqlaw shólkeminiń (JDSSh) jańalanǵan esabatına bola, 13-15 jastaǵı óspirimler arasında elektron sigareta hám veyping paydalanıwshılardıń sanı 15 millionǵa jetken.

Sonday-aq, 15 jastan úlken 86 million adam turaqlı túrde elektron sigaret shegedi. Bul úlkenler arasında 1,9 procentti, sonıń ishinde, erkeklerdiń 2,3 procentin hám hayal-qızlardıń 1,5 procentin quraydı.
JDSSh qánigeleriniń eskertiwinshe, elektron sigaretalar “zıyanı azıraq” ónim sıpatında úgit-násiyatlanıp atırǵan bolsa da, olar tiykarında jaslardı nikotinge erte baǵınıshlı bolıp kalıwǵa alıp kelmekte. Shólkemniń maǵlıwmatına bola, 62 mámleket bul boyınsha ele hesh qanday ilaj kórmegen, 74 mámlekette bolsa olardı satıp alıw ushın minimal jas shegarası belgilenbegen.
Esabatta atap ótiliwinshe, 2000-jıldan 2024-jılǵa shekem dúnya boyınsha temeki tutınıwshılarınıń sanı 1,38 milliardtan 1,2 milliardqa shekem azayǵan. Soǵan qaramastan, búgingi kúnde dúnyadaǵı hár besinshi eresek adam elege shekem shılım shegedi.

Madinabonu Nasrieva, Uluǵbek Twxtaev (video), ÓzA