Usı jıldıń 16-17-oktyabr kúnleri Samarqand qalasında Ǵárezsiz Mámleketlerdiń Doslıq Awqamına aǵza mámleketlerdiń qáwipsizlik uyımları hám arnawlı xızmetleri basshıları Keńesiniń 57-májilisi jáne ǴMDAǵa aǵza mámleketlerdiń qáwipsizlik uyımları hám razvedka xızmetleri basshılarınıń 21-májilisi ótkeriliwi rejelestirilgen.

Bul májilislerde Ázerbayjan Respublikası, Armeniya Respublikası, Belarus Respublikası, Qazaqstan Respublikası, Qırǵız Respublikası, Rossiya Federaciyası, Tájikstan Respublikası, Ózbekstan Respublikası hám Túrkmenstan arnawlı xızmetleriniń basshıları qatnasadı.
Ilajlarda, sonday-aq, ǴMDA Atqarıw komiteti hám ǴMDAǵa aǵza mámleketler Kontrterror orayınıń wákilleri de qatnasadı.
Bul ánjumanlardan gózlengen tiykarǵı maqset Doslıq Awqamı mákanında qáwipsizlikti támiyinlew, sonıń ishinde, xalıqaralıq terrorizm hám ekstremizm, transmilliy shólkemlesken jınayatshılıq, málimleme qáwipsizligine qáwip-qáterler, sonday-aq, náshebentlik quralları hám psixotrop zatlardıń nızamsız xalıqaralıq aylanısına qarsı gúresiw baǵdarında birge islesiwdi bekkemlewden ibarat.
Májilisler dawamında zamanagóy qáwip-qáterler hám óz-ara háreketlerdi muwapıqlastırıwǵa baylanıslı keń kólemli máseleler kórip shıǵılıwı kútilmekte.
Sóylesiwlerdiń juwmaǵında delegaciyalardıń basshıları regionallıq hám globallıq qáwipsizlikti támiyinlew baǵdarında óz-ara birge islesiwdiń anıq wazıypaları menen baǵdarların belgilep aladı.

ÓzA